受低壓槽影響南海北部，八月雖然連場大雨，但天氣仍是炎熱，週末又出動去溯澗玩水，朋友仔開線到獅頭嶺坑，較冷門的澗道，粉嶺站集合。
早上與友在粉嶺吃過早餐，到粉嶺站小巴站搭56B小巴到獅頭嶺下車，在村口等齊隊友，步至公廁旁石橋下入澗，獅頭嶺坑源起龜頭嶺與南山之間，流入獅頭嶺村，平時冇雨時是一條=乾坑，大雨過後末有睇頭。初入坑澗道平緩，兩旁也有林蔭包圍，不時又見有小潭瀑，水亦很清澈，隊友選了一開揚位置大休，期間有雨灑下，好快又停了。休後繼續上溯，要到約160米見到人工堤壩後才見精彩流瀑，沿澗上溯大雨又殺到，找位置避避，待雨細點再起步找離澗位，看地圖澗左邊有離澗位，但太大雨找不到，右源較寬闊，沿右源繼續上溯，近源末直走，不要被右邊帶引錯，帶子估計是去南山的。沿澗直走一跟住溪流，走一段便接回南涌郊遊徑，到達郊遊徑很幸運又停雨了，時候不早，經郊遊徑下山出新屋仔步回獅頭嶺村搭小巴回粉嶺站梳洗下，再搭鐵到上水石湖墟晚飯，今日估不到坑道頗長，早上溯的澗道較為沉長，午後過堤壩後澗道精彩，雖然大雨，但澗道被植物包著又不太狼狽，回看GPS，原來只走約5km，玩左8個多小時。
（部份相片取自隊友）
野菌好新鮮
沒有留言:
張貼留言