22/2 博康經貓石過雞胸

22/2 博康經貓石過雞胸

今早有雨，雨勢頗大，氣溫18-21度，濕度93%。七時多雨還未停下來，未幾就收到球哥留言行山取消，並發信息予其他山友，安頓好後呀喵致電馬騮呀哥相約到沙角飲茶，飲完茶見雨勢減弱，兩兄妹就繼續行程。10.30am兩人由博康邨轉上水泉澳街，走一段車路就到女童軍營入口，路旁則為作壆坑村，再沿水務車路走，不遠就有小路上山，好快就上到小山頭，此山頭行山友稱為科蚪坪。再往電塔方向走，未幾就接回衛徑五段，平時在梯級往上望可以看到貓仔一隻豎立在山頭，但今日大霧迷離，乜都見吾到。沿石級走一段又見有小路上貓仔山，兩人又沿小路上走，未幾就見到貓仔石，但實在太大霧，照片都吾係太清楚，隨意拍幾張照片就繼續行程。兩人再沿明顯山路下山，不久就到雞胸山接回麥徑路段，往前走不遠又有分岔口，住右轉可達獅子山及九龍水塘各地，左轉落沙田坳，因山友們相約到黃大仙飲茶，呀喵同呀哥就縮短行程由沙田坳下山，12.10pm到達法藏寺，再搭車到黃大仙八喜茶敍。
下星期三北潭凹起步到高流灣午膳，詳情待出通告作實．



背後係水泉澳山

小徑直去可通村民祖墳

山火無情

往電塔方向走

山路有有心人裝好扶手

科蚪坪，晨運客稱之為武林聖地

小路上山

到達電塔

乜野建築物?

十二笏標高柱

接衛徑五段梯級

小路上貓仔石

遙望

回望

大霧迷離

喵仔石

呢個角度似吾似

喵喵

 

幾舊大石合埋

充滿生機

kitty 貓頭^^

迷迷惘惘

車輪梅

迷霧境界

沙田坳落山位

馬騮

又多一隻馬騮

..

..

點點雨水

石級舖得好靚

好多馬騮

好身手

落到沙田坳道

好斜

法藏寺

15/2 船灣環湖~

15/2船灣環湖~

今早非常大霧，氣溫19-22度，濕度80-95%，早上起來還有一陣微雨，幸好很快就停下來，行山龍得以繼續行程。
今日山隊選了較線路線的船灣淡水湖環湖遊，全長18公里。早上9.30am山友於大埔港鐵站20c小巴站集合，出席人數9 人，有魏生、玲姐、蔡哥、志明哥、華國鋒、球哥、球友馬王、馬騮呀哥&馬騮喵妹，小巴準時9.40分開出，10.15到達烏蛟驣，山友整理行裝拍過合照10.30開始起步沿九担租方向選下路直達下苗田，到下苗先在溪澗儲水，然後就經廢村走上大峒，上到大峒山友就置下行裝開始打邊爐，飽餐一頓後又要繼續行程趕往觀音峒，觀音峒有山路下走紅石門，但今日吾會去。山友們又繼續前往鹿湖峒，到達鹿湖峒，大家又小休一會，煲點茶，飲點紅酒及小食。小休完畢2.45PM又開始趕路往長牌墩，呢一段路段官方稱要走四小時，但沿路大霧濃密，完全冇風景可言，華國峰就好失望，因為今次環湖係佢提出，大家安慰佢說遲些再同佢行。山友們再密密腳步往前走，一路山路都吾算太難走，只係間有浮砂碎石，大家少心便可以。幾經辛苦又到達長牌墩，即係離終點又邁進一大步，官方稱2小時就到大美篤，大家小休一會又拎生果等零食出來，新朋友馬王見大家一停低又有食物拎出來都不禁一笑，小休完又再趕路，呢一段路段比較爛，大家都小心走過，走不遠就見左邊有堤霸，應係老虎笏養珠場，山邊還見絲帶小路通往，再走一會終於見副霸，山友們心情亦喜亦憂，喜是快到達終點，憂是2KM 堤霸路真係太難頂，但難頂都要頂，大家行下傾下6.30PM終於到達大美篤，到達後大家再往洗手間清洗一下就搭小巴到大埔散隊，蔡哥還請客請大家到新街市三小姐食晚飯，多謝蔡哥。
下星期三初擬走雞胸．獅子山由博康出發．
再下一星期三長咀走一會，詳情待出通告作實．