香港水足印定向2017義工日

       「水足印定向」至今已經踏入第六年。2013年首屆活動於天水圍舉行，得到城中各界支持。2014年活動於沙田河畔舉行，參與人數持續上升。2015年活動於啟德舉行，大會增設小型嘉年華予公眾參與。2016年活動於中環海濱舉行，而今屆則移師沙田馬場，而呀喵亦有份參予義工服務，與參賽者一同去玩。
       「水足印定向」賽事在午後才開始，可以不用太早到會場，比平常的跑步賽事就舒服得多。早上10.45分在火炭站集合，廿多名義工齊集，patrick點好人數，派了義工衫就齊步往沙田馬場。到達後先分派工作，而呀喵今次義工工作係扮水滴大公仔呀女，我地一Team共人，綺雯同我分別扮水滴仔同水滴女，另外兩位義工就要拉住我倆進場及做盲工竹，因為响公仔入邊睇外邊吾係太清楚，加上要著住公仔衫、褲同鞋，再要托住個大公仔其實都幾辛苦，因為d衫褲有毛都幾熱，好彩週末天陰陰又幫助我地一大忙，同埋個公仔有一定重量，一路要托住都幾攰，做十零十分鐘已經一身大汗，但係好開心0既。
       水滴公仔共出場五次，呀喵同綺雯共扮左三次公仔，第一次係同嘉賓响台上同鳴槍儀式，第二次又出場同參賽者拍照，每場十零廿分鐘都可以的，第三、第四場有一班俊男幫忙做替工，呵呵，感覺也不錯。到最後一次出場感覺有D攰，可能出過太陽，天氣有點熱，响公仔入邊有D悶焗，但冇問題0既，聽到大大班參賽者排住隊同大公仔拍照，疲累已經全消。
到比賽尾聲，呀喵與十位義工留下幫忙整理場地，原來要將一排排的座椅還原給馬會，共要搬200多排。一排排的鐡椅好重的，正想怎樣搬得動，原來有方法的，拿一些有輪的電腦椅牢輔助推動，大家分工合作，一個小時又搞掂了，約8時與隊友道別，趕緊時間離開馬場到火炭吃晚飯。

 試衫，緊緊地

負摃拉我倆出場的兩位俊男

起步

步馬場大營幕